Tuesday, February 20, 2024
Homeताज्या बातम्यासामाजिक बांधिलकी व सांस्कृतिक वारसा जपणारे कुटुंब म्हणजे श्रीमंतयोगी वाद्यपथक

सामाजिक बांधिलकी व सांस्कृतिक वारसा जपणारे कुटुंब म्हणजे श्रीमंतयोगी वाद्यपथक

श्रीमंतयोगी वाद्य पथकाच्या  सातव्या वर्धापन दिनानिमित्त वादकांचा सन्मान व दिनदर्शिका प्रकाशन सोहळा उत्साहात साजरा

कोरेगाव भिमा – कोरेगाव भिमा (ता.शिरूर) येथील पुणे जिल्ह्यातील ग्रामीण भागात आपल्या ढोल ताशांच्या लयबध्द ढोल ताशांच्या निनादाने प्रसिद्ध असणाऱ्या श्रीमंतयोगी  पथकाचा सातवा वर्धापन डी मोठ्या उत्साहाच्या व आनंदाच्या वातावरणात पार पडला यावेळी उपस्थितांनी सामाजिक बांधिलकी व सांस्कृतिक वारसा जपणारे कुटुंब म्हणजे श्रीमंतयोगी वाद्यपथक असल्याचे मत उपस्थितांनी व्यक्त करत श्रीमंतयोगी वादय पथकाच्या कार्याचा गौरव केला.

       श्रीमंतयोगी वाद्य पथकच्या वतीने सालाबादप्रमाणे पथकातील वादकांचा सन्मान व दीनदर्शिका प्रकाशन सोहळ्याला अनेक मान्यवरांनी उपस्थिती लावली यावेळी पथकातील वादकांच्या आई वडिलांच्या हस्ते दीप प्रज्वलन , ढोल – ताशा पूजन तसेच ढोल ताशा वादकांचा व उपस्थितांचा सत्कार व सन्मान करण्यात आला.

श्रीमंत योगी पथकाने केलेले सामाजिक कार्य –   श्री छत्रपती संभाजी महाराज समाधी वढु बु येथे दिवाळी पाडव्याला दर वर्षी दिपप्रज्वलन, मतिमंद सेवाधाम विद्यालय पिंपळे जगताप येथे रक्षाबंधन, माहेर संस्था वढु बु येथे अनाथ मुलांबरोबर भाऊबीज साजरी करणे, जि.प. प्राथमिक शाळा कोरेगाव  भिमा येथील विध्यार्थ्यांना ढोल व ताशा वाटप, तसेच कोरेगाव भिमा येथील दशक्रिया घाटावर पत्रा शेड उभारणे असे अनेक सामाजिक कार्य केले आहे.

  श्रीमंतयोगी वादय पथकाची स्थापना २०१६ मध्ये करण्यात आली असून पथकामध्ये कोरेगाव भिमा, आपटी, तळेगाव ढमढेरे, शिक्रापूर, सणसवाडी, फुलगाव, पेरणे, वाघोली, लोणीकंद ठिकाणाहून वादक येत असतात.पुण्यातील व मुंबई येथील गणेशोस्तवात पथकाने वादन केले असून ग्रामीण भागातील नामांकित व शिस्तबद्ध तसेच लयबद्ध ,नवनवीन तालबद्ध चाली वाजवणारे व आपल्या आवाजाने परिसर दुमदुमून सोडणारे पथक असा नावलौकिक आहे.

   यावेळी संस्थापक सागर गव्हाणे पाटील, अध्यक्ष भानुदास ढेरंगे , उपाध्यक्ष प्रसाद देशमुख , घो. स. सा. कारखान्याचे माजी संचालक कैलास सोनवणे , कानिफनाथ चांगुलपई, प्राध्यापक अंजली , इंग्लिश मेडियम स्कुल सणसवाडी, जय महाराष्ट्र तरुण मंडळाचे अध्यक्ष अविनाश गव्हाणे , वढू बुद्रुक सोसायटीचे सचिव अनिल कुंभार, व वादकांचे पालक, पथकाचे सर्व पथक प्रमुख व वादक उपस्थित होते.

संबंधित लेख

LEAVE A REPLY

Please enter your comment!
Please enter your name here

ताज्या बातम्या

Recent Comments

error: Content is protected !!