Saturday, May 25, 2024
Homeक्राइमपुण्यात जागेच्या वादातून सेवा निवृत्त वरिष्ठ पोलीस निरिक्षकाला ठेचले दगडाने

पुण्यात जागेच्या वादातून सेवा निवृत्त वरिष्ठ पोलीस निरिक्षकाला ठेचले दगडाने

जागेच्या वादातून हल्ला झाल्याची प्राथमिक माहिती समोर,हल्ल्यात वजीर शेख गंभीर जखमी झाले असून त्यांची प्रकृती चिंताजनक , तांत्रिक विश्लेषणा आधारे कौशल्यपूर्ण तपास करीत आरोपीस ठोकल्या बेड्या

पुणे: वानवडी परिसरात निवृत्त पोलीस निरीक्षक वजीर शेख यांच्यावर शुक्रवारी रात्री हल्ला करण्यात आल्याची धक्कादायक घटना घडली आहे. त्यांना दगडाने ठेचण्यात आले आहे. हल्ल्यात वजीर शेख गंभीर जखमी झाले असून त्यांची प्रकृती चिंताजनक असल्याचे सांगण्यात आले आहे.शेख यांच्यावर रूग्णालयात उपचार सुरू आहेत. हल्लेखोरास तांत्रिक विश्लेषणा आधारे कौशल्यपूर्ण तपास करीत आरोपीस बेड्या ठोकण्यात आल्या आहेत.

दबंग अधिकारी म्हणून वजीर शेख यांची ओळख. – नागपूर, पुणे, मुंबई येथे सेवा करणाऱ्या वजीर शेख यांची ओळख दबंग पोलिस अधिकारी म्हणून आहे. पुणे शहर पोलीस आयुक्तालयात वजीर शेख यांनी आर्थिक गुन्हे शाखेचा कारभार मोठ्या धाडसाने हाताळला होता. विरिष्ट पोलीस निरीक्षक वजीर शेख काही महिन्यांपूर्वी पोलीस दलातून निवृत्त झाले होते. ते सध्या कोंढवा परिसरात राहायला आहेत. शुक्रवारी रात्री साडे आठ वाजण्याच्या सुमारास हल्लेखोराने त्यांना गाठले. त्यांच्यावर प्राणघातक हल्ला झाल्याने वानवडी परिसरासह पोलीस दलामध्ये खळबळ उडाली आहे. (Pune crime news).

या दरम्यान वानवडी तपास पथकाने पोलीस उपायुक्त परिमंडळ -५ आर राजा यांच्या नेतृत्वाखाली व वरिष्ठ पोलीस निरिक्षका पतंगे यांच्या मार्गदर्शनाखाली तांत्रिक विश्लेषणा आधारे कौशल्यपूर्ण तपास करीत आरोपीस बेड्या ठोकल्या आहेत. Pune crime newsसंशयित आरोपी प्रमोद काकडे यास पुणे शहर परिसरातून वानवडी तपास पथकाचे पोलीस उपनिरीक्षक संतोष सोनवणे व त्यांच्या पथकाने ताब्यात घेतले आहे. (Pune crime news)

जागेच्या वादातून जीवघेणा हल्ला ? संशयित आरोपी प्रमोद काकडे याचा जमिन विषयक व्यवहार निवृत्त वरिष्ठ पोलीस निरिक्षक वजीर शेख यांच्या बरोबर झाला होता. पुण्यात अत्यंत मोक्याच्या असलेल्या वानवडी येथील मैदानाच्या वादातून मारेकऱ्यांनी वजीर शेख यांच्यावर प्राणघातक हल्ला चढवला असल्याची प्राथमिक माहिती समोर येत आहे. वजीर शेख यांनी व्यवहाराचे पैसे देत नसल्याने रागाच्या भरात काकडे यांनी हल्ला चढविल्याचे समजत आहे.

सदर कामगिरी पोलीस उपायुक्त परिमंडळ -५ आर राजा व वानवडीचे वरिष्ठ पोलीस निरीक्षक पतंगे, गुन्हे निरिक्षक पाटणकर मार्गदर्शनाखालीतपास पथकाचे पोलीस उपनिरीक्षक संतोष सोनवणे, हेड कॉन्स्टेबल सरफराज देशमुख, पोलीस कॉन्स्टेबल अमोल गायकवाड,विष्णू सुतार , यतीन भोसले यांनी कारवाई पूर्ण केली.

जय अंबिका कला केंद्रास सणसवाडी ग्राम पंचायतीची जप्तीची नोटीस थकविला लाखो रुपयांचा कर

संबंधित लेख

LEAVE A REPLY

Please enter your comment!
Please enter your name here

ताज्या बातम्या

Recent Comments

error: Content is protected !!