महाराष्ट्रातील नामांकित सीए. डॉ. एम. एस. जाधव यांची इन्स्टिट्यूट ऑफ चार्टर्ड अकाउंटंट्स ऑफ इंडिया, नवी दिल्ली या संस्थेच्या बोर्ड ऑफ स्टडीज (शैक्षणिक) नामांकित सदस्य म्हणून नियुक्ती करण्यात आली असून सदर नियुक्तीचे पत्र संस्थेचे अध्यक्ष,सीए. दयानिवास शर्मा सीए व उपाध्यक्ष सीए. विशाल दोशी यांनी दिले आहे.
आय.सी.ए.आय. ने पुण्यातील सीए. डॉ. एम. एस. जाधव यांची सन २०२२-२३ या कालावधीसाठी आय.सी.ए.आय. चीनॉन – स्टैंडिंग कमिटी , बोर्ड ऑफ स्टडीज ( शैक्षणिक ) मध्ये सहकारी सदस्यांपैकी एक म्हणून नांमाकित सदस्य म्हणून नियुक्ती केली असून यापुढील शैक्षणिक वाटचालीमध्ये हे वर्ष विशेष आणि घटनात्मक असणार आहे यासाठी नवीन शिक्षण आणि प्रशिक्षण योजना राबविण्याबरोबरच परिषदेने मान्यता दिली आहे आणि त्यांच्या प्राथमिक मंजुरीसाठी मंत्रालयाशी सामायिक केले असून यासारखे अनेक महत्त्वपूर्ण टप्पे गाठायचे आहेत .संपूर्ण देशात पसरलेल्या चार्टर्ड अकाऊंटन्सी कोर्सच्या विद्यार्थ्यांना सैद्धांतिक शिक्षण देण्यासाठी आणि त्यांना जागतिक दर्जाचे व्यावसायिक म्हणून तयार करण्यासाठी बोर्ड ऑफ स्टडीज ( शैक्षणिक ) जबाबदार आहे . BoS ( A ) विद्यार्थ्यांना परीक्षांची चांगली तयारी करण्यास सक्षम करण्यासाठी शैक्षणिक इनपुटचे सर्वसमावेशक पॅकेज प्रदान करत असते ज्यामध्ये अभ्यास साहित्याचा विकास आणि अद्ययावतीकरण पुनरावृत्ती चाचणी पेपर्स , सुचवलेली उत्तरे , केस स्टडीज , बेस परिस्थिती इ मोफत व्हच्र्युअल कोचिंग क्लासेस ई – पुस्तके सीए विद्यार्थी जूल मॉक टेस्ट प्रात्यक्षिक प्रशिक्षण मूल्यमापन चाचणी आयोजित करणे . मोबाईल अॅपद्वारे एकल प्लॅटफॉर्म ” अभ्यास स्टेशन ” प्रदान करणे , वैविध्यपूर्ण अनुभव मोलाची भर घालेल , गुणवत्ते वाढवेल आणि चार्टर्ड अकाउंटन्सीच्या विद्यार्थ्यांना प्रदान केलेल्या सेवांची श्रेणी वाढवण्यासाठी प्रयत्न करण्यात येणार असल्याचे मत व्यक्त केले.
प्रा.एम एस जाधव यांचा जीवन प्रवास – पुणे जिल्ह्यातील पुरंधर तालुक्यामधील अत्यंत दुर्गम ,छोट्या , मागासलेल्या खेडेगावात दौंडज या खेडेगावात शेतकरी कुटुंबात जन्म झाला . अत्यंत कष्टप्रद व खडतर प्रवास करत अनेक आव्हानांचा सामना करत आपले शिक्षण पूर्ण केले.त्यांनी आपल्या शैक्षणिक कार्याचा ठसा उमटवत असतानाच त्यांनी सुरू केलेल्या मुल्याष्ठितीत , वैश्विक शिक्षण प्रणालीचा अवलंब त्यांच्या शैक्षणिक व सामाजिक संस्थेमधील सर्व विभागामध्ये त्यांनी प्रत्यक्ष अवलंबीला त्यामुळेच त्यांच्या दुरदृष्टीच्या डोळस नेतृत्वामुळे राष्ट्रीय स्तरावरही अनेक मानसन्मान त्यांना व त्यांच्या संस्थेतील सेवकांना व पदाधिकाऱ्यांना प्राप्त झालेले आहेत . प्रा . डॉ . एम . एस . जाधव राहणी अत्यंत साधी तरवृत्ती अत्यंत नम्र , स्पष्टवक्तेही , तात्वीक विचारांची बैठकीमुळे बारकाईने विचार करून सामाजिक उत्तरदायित्व जप्त असतात. सर्वांना सन्मानाने वागवणे, सर्व धर्म समान हे प्रत्यक्ष आचरणात आणणे प्रा . डॉ . जाधव हे बहुआयामी व्यक्तीमत्त्व असून त्यांच्या जीवनाचे अनेक पैलू त्यांच्या कार्याच्या अविष्कारातून स्पष्टपणे दिसून येतात . त्यांच्यातील हाडाचा शिक्षक , कुशल अर्थतज्ञ , पारदर्शिक व्यवस्थापन तज्ञ , वकृत्व कला , थोर मानवतावादी , गांधीवादी तत्सम सद्गुणांचे दर्शन हे त्यांच्या व्यक्तीमत्त्वात क्षणोक्षणी दिसून येतात . जननी जन्म भुमिस्य स्वर्गादपि गरीयशी या वक्ती प्रमाणे ज्या जन्मभूमी ने आपल्याला जन्म दिला , ज्या जन्मभूमीने आपल्याला लहानाचे मोठे केले त्या जन्मभूमी विषयी आपण काहीतरी देणे लागतो या भावनेने प्रा . डॉ . एम . एस . जाधव यांचे जीवन चालू आहे . त्यांच्या विविध शैक्षणिक व सामाजिक संस्थामध्ये शिक्षण घेणाऱ्या सर्व विद्यार्थ्यांमध्ये समाजाप्रती सकारात्मक दृष्टिकोन निर्माण होत राहिला आणि हे विद्यार्थी पुढे राष्ट्रीय व अंतरराष्ट्रीय स्तरावर स्वतः बरोबरच संस्थेचाही नावलौकिक वाढवित राहिले .
प्रा . डॉ . एम . एस . जाधव यांचे शैक्षणिक कार्य – जेजुरीचे जिजामाता हायस्कूल , जेजुरी , दौंडजचे शिक्षण महर्षी डॉ . पंतगराव कदम विद्यालय , दौंडज , श्री . केदारेश्वर विद्यालय , काळदरी , न्यू इंग्लिश स्कूल खामगाव , ता . हवेली , संत भारती , पुणे , महाराष्ट्र गांधी निधी , कोथरुड , पुणे , साहेबराव शंकरराव कला वाणिज्य महाविद्यालय , तळेगाव ढमढेरे , ता . शिरुर , मळगंगा अंध व अपंग सेवा संस्थेचे न्यू व्हीजन कला वाणिज्य महाविद्यालय , टाकळेहाजी , ता . शिरुर , मैत्रीय बहुउद्देशीय सेवाभावी संस्थेचे जीकेएस कला , वाणिज्य , विज्ञान महाविद्यालय , खडवली , कल्याण जि . ठाणे , श्री शिवाजी इंग्लिश मिडीयम स्कूल , सासवड आणि अन्य पूर्व प्राथमिक , प्राथमिक आणि माध्यमिक विद्यालये त्यांनी यशस्वीपणे उभी करण्यामध्ये त्यांचे मोठे योगदान आहे .
स्वतःचे स्थान निर्माण करण्यासाठी प्रामाणिकपणे अपार कष्ट करावे , सतत उपयुक्त रहावे , त्याचबरोबर शिक्षण घेण्यासाठी करावा लागलेला कोणताही त्याग मोठा नाही हे ध्यानात ठेवावे . त्यातूनच व्यक्तीचे व कुटुंबांचे चांगले भविष्य घडेल हा त्यांचा विश्वास होता आणि त्यामुळेच एका शेतकऱ्याचा मुलगा ज्यांच्या मातोश्रींना पाच पैसे व दहा पैशातील फरक कळत नव्हता . त्याच माऊलीचा मुलगा अनेक कोट्यावधींचे ताळेबंद , नफातोटा पत्रके , जमाखर्च पत्रके यांचे लेखापरिक्षण करून आदर्श , पारदर्शी संस्थेचा व्यवहार कसा वाढीस लागेल याच्यासाठी सतत प्रयत्नशील आहे .
प्रा.डॉ.एम एस जाधव यांना मिळालेले पुरस्कार – ब्रदरहूड या संस्थेने १९९९ रोजी पुण्यगौरव पुरस्कार ‘ देऊन सन्मानित केले . JEWEL OF INDIA AWARD 2005 , इंडियन सॉलिॲडिटि कौन्सील , नवी दिल्ली या संस्थेकडून Achievement बद्दल JEWEL OF INDIA AWARD 2005 हा ॲवॉर्ड गांधीदर्शन अकादमी या पुणे विद्यापीठाशी मान्यताप्राप्त असलेल्या संस्थेमार्फत “ गांधी विचार – प्रसार ” या गौरवास्पद केलेल्या कामगिरीबद्दल , तसेच पुणे विद्यापीठाच्या वित्त व लेखा विभागामध्ये नवीन गुणवत्ता प्रणाली कार्यान्वीत करून वित्त व लेखा विभागाला ISO 9001-2000 हे प्रमाणपत्र मिळविण्याकामी दिलेल्या योगदानाबद्दल व ही गुणवत्ताप्रणाली गेली पाच वर्षे अविरतपणे राबविण्यासाठी केलेल्या उल्लेखनीय कार्याबद्दल प्राप्त झालेले आहे . डॉ . बाबासाहेब आंबेडकर पुरस्कार , २००३ महात्मा गांधी पुरस्कार , २०० ९ वाणिज्य समता पुरस्कार , २०१३
