Saturday, May 25, 2024
Homeताज्या बातम्याविकासाची गंगा घरोघरी पोचवण्यासाठी सुजाता पवार यांनी सणसवाडी - कोरेगाव भीमा गटाचे...

विकासाची गंगा घरोघरी पोचवण्यासाठी सुजाता पवार यांनी सणसवाडी – कोरेगाव भीमा गटाचे प्रतिनिधित्व करावे – माजी सरपंच सुनंदा दरेकर

कोरेगाव भीमा – सणसवाडी (ता.शिरूर) येथील सरपंच परिषदेच्या पुणे जिल्हा महिलाध्यक्षा व माजी सरपंच सुनंदा नवनाथ दरेकर यांनी माजी सभापती व जिल्हा परिषद सदस्या सुजाता पवार यांना सणसवाडी – कोरेगाव भीमा जिल्हा परिषद गटातून लढण्यासाठी पाठिंबा दर्शविला दिला असून सुजाता पवार यांना मोठ्या प्रमाणावर राष्ट्रवादीचे कार्यकर्ते,पदाधिकारी, नागरिकांसह जिल्हा परिषदेच्या निवडणुकीत इच्छुक व प्रबळ दावेदार असणाऱ्या माजी सरपंच सुनंदा नवनाथ दरेकर यांनी पाठिंबा देत स्वागत केल्याने सुजाता पवार यांच्या नावाचे वलय सणसवाडी – कोरेगाव भीमा गटात वाहू लागले असून सुजाता पवार यांना पाठिंब्याची व समर्थनाची लाट वाहू लागली आहे.

उद्योगनगरी सणसवाडी येथील माजी सरपंच सुनंदा नवनाथ दरेकर यांनी विकास कामे करत कोरोणा काळातही विकासाचा आलेख उंचावत ठेवला होता. स्वतः जिल्हा परिषदेची जोरदार तयारी करत असताना , व्यापक जनसंपर्क असलेल्या सुनंदा दरेकर यांचे सणसवाडी , दरेकरवाडी, वाडा पुनर्वसन, कोरेगाव भीमा, डिंग्रजवाडी, वढू बुद्रुक, आपटी , वाजेवाडी,पिंपळे जगताप येथील नागरिकांशी असलेला जनसंपर्क यामुळे त्यांना जिल्हा परिषदेचा प्रबळ व प्रभावी उमेदवार मानले जात होते.त्यांच्या सख्ख्या भावजई या माजी पंचायत समिती सदस्य सविता दरेकर ,पती उद्योजक नवनाथ दरेकर व मनसे नेते रामदास दरेकर यांचा व्यापक जनसंपर्क व पै – पाहुणे यांच्यामुळे त्यांना या निवडणुकीत प्रबळ दावेदार उमेदवार मानले जात होते.

सणसवाडी ग्राम पंचायतीच्या कारभाराची सूत्रे हाती घेण्यासाठी बैलगाडीतून जात मातीशी व जनसामान्यांशी असणारी नाळ जपली होती त्याची समाज माध्यमावर चर्चा झाली होती. कोरोना काळात आरोग्याबाबत केलेले काम, कोव्हीड काळात खाजगी उद्योगांना आवाहन करत हजारो लसीचे डोस उपलब्ध करून दिले, उद्योगनगरीच्या विकासाची घौडदौड कायम राखली याची दखल सरपंच परिषदेने घेत पुणे जिल्हा महिलाध्यक्ष पदाची जबाबदारी दिली. या सर्व बाजू जमेच्या असल्याने त्यांना या जिल्हा परिषदेच्या निवडणुकीत प्रबळ दावेदार मानले जात होते त्यात सणसवाडी – कोरेगाव भीमा गटात सर्वसामान्य महिला जागा निघाली आणि त्यांची लढत महत्वपूर्ण मानली जाऊ लागली.

सरपंच पदाची सूत्रे हाती घेतल्यानंतर आमदार अशोक पवार यांच्यासारखे सक्षम, कृतिशील विचारांचे गतिशिल मार्गदर्शन वेळोवेळी लाभले ,दर्जेदार व गुणवत्तापूर्ण विकासासाठी आग्रही असणारे आमदार पवार विकासकामांच्या बाबतीत सर्वांना समान न्याय देत तळागाळातील रंजल्या गांजल्या नागरिकांपर्यंत विकास पोचवण्यासाठी असलेली तळमळ पाहायला मिळाली आणि त्यात कोरोना सारख्या भीषण संकटात सुजाता पवार यांचे व्यापक व सर्वसमावेशक काम अनुभवले त्यात पूरग्रस्तांना मदत असो त्यात त्यांच्या संसारोपयोगी वस्तूंची गुणवत्ता व दैनंदिन जीवनात उपयोगी असणाऱ्या वस्तू देण्यासाठी असलेला आग्रह , कोरोना काळात हवालदिल आलेल्या नागरिकांना कोव्हीड सेंटरच्या माध्यमातून केलेली जनसेवा असेल की त्यासाठी प्रसंगी स्वतः स्वयंपाक करत , आरोग्यसेवा असो की , कोरोना काळातील रुग्णसेवा याबाबतीत सुजाता पवार यांचे काम अविस्मरणीय व प्रेरक आहे तसेच मांडवगण – वडगाव रासाई गटामध्ये मोठ्या प्रमाणात विकास करण्यात आला आहे.तेथे सर्वांगीण विकासाची गंगा घरोघरी पोचवण्याबरोबरच नागरिकांचे जीवनमान उंचावन्यात मोलाचे काम केले आहे तसेच ग्रामपंचायत सणसवाडी सरपंच म्हणून काम करताना प्रत्येक बाबतीत व्यापक व सर्वसमावेशक विकासाचा दृष्टिकोन सुजाता पवार यांच्याकडून मिळाली असल्याने त्यांना सणसवाडी – कोरेगाव भीमा गटातून निवडणूक लढवण्यासाठी आम्ही आग्रह करत असून त्यांनी आमच्या मागणीचा विचार करावा अशी मागणी माजी सरपंच सुनंदा नवनाथ दरेकर यांनी केली आहे.

मांडवगण – वडगाव रासाई गटामध्ये जसा सर्वसमावेशक विकास करण्यात आला तसाच सणसवाडी – कोरेगाव भीमा गटात विकास होण्यासाठी व विकासाचा व्यापक दृष्टिकोन असलेल्या व दर्जेदार गुणवत्तापूर्ण विकासाची गंगा सर्वसामान्यांपर्यंत पोचविनाऱ्या सुजाता पवार यांच्यासारखे कृतिशील नेतृत्व जर आपल्या गटात आले तर आपल्या परिसराचा विकास गतिमान व दर्जेदार होऊन नागरिकांचे जीवनमान उंचावण्याचा ,त्यांना विकासाच्या मुख्य प्रवाहात आणण्यासाठी सुजाता पवार यांचे नेतृत्व सक्षम व सर्वसमावेशक आहे यासाठी सणसवाडी ग्रामस्थांच्या मागणीचा विचार करून त्यांनी या गटाचे नेतृत्व स्वीकारत जिल्हा परिषदेत जाण्याची हॅटट्रिक करावी.
माजी सरपंच सुनंदा नवनाथ दरेकर, सरपंच परिषद पुणे महिलाध्यक्ष.

संबंधित लेख

LEAVE A REPLY

Please enter your comment!
Please enter your name here

ताज्या बातम्या

Recent Comments

error: Content is protected !!