Friday, June 21, 2024
Homeराजकारणरावसाहेब पवार घोडगंगा सहकारी साखर कारखान्याच्या निवडणुकीतील यश हे सर्वसामान्य जनतेचे...

रावसाहेब पवार घोडगंगा सहकारी साखर कारखान्याच्या निवडणुकीतील यश हे सर्वसामान्य जनतेचे – आमदार अशोक पवार

आमदार अशोक पवार व कुटुंबीयांचा २० किलो गुलाब व इतर फुलांचा हार देत केला अनोखा सत्कार

कोरेगाव भीमा – सणसवाडी ( ता.शिरूर) अत्यंत चूरशीने झालेल्या रावसाहेबदादा पवार घोडगंगा सहकारी साखर कारखान्याच्या निवडणुकीत, आमदार ॲड. अशोक पवार यांच्या नेतृत्वाखालील राष्ट्रवादी कॉंग्रेस पुरस्कृत शेतकरी विकास पॅनेलने, भाजपसह विरोधी पक्षांच्या घोडगंगा किसान क्रांती पॅनेलचा अक्षरशः दारुण पराभव केला.
एकवीस जागांसाठी झालेल्या या निवडणुकीत विरोधकांना केवळ एका जागेवर समाधान मानावे लागले. विरोधकांना आमदार ॲड. पवार यांनी या निवडणुकीच्या माध्यमातून जोरदर धक्का दिल्याने तालुक्याच्या राजकीय पटलावर राष्ट्रवादी पुन्हाचा नाद घुमला असून पुन्हा एकदा आमदार अशोक पवार यांचे नेतृत्व साखर कारखान्याच्या सभासदांनी स्वीकारत मतदानातून पुन्हा आवाज कोणाचा दाही दिशांत घुमला राष्ट्रवादी पुन्हा हे कृतीतून दाखवले आहे.

आमदार अशोक पवार व उद्योगनगरी सणसवाडी करांचे प्रेम व ऋणानुबंध घनिष्ठ असून प्रत्येक सुख दुःखात सहभागी असणारे ग्रामस्थ अशी शिरूर तालुक्याला परिचय असून आमदार अशोक पवार,माजी सभापती सुजाता पवार, नवनिर्वाचित संचालक ऋषिराज पवार यांच्यावर निरपेक्ष प्रेम करणाऱ्या ग्रामस्थांनी साखर कारखान्याच्या निवडणुकीत आमदार पवार यांनी जे २०/१ असे लखलखीत यश संपादन केले त्याबद्दल वीस किलो गुलाब व इतर फुलांचा आकर्षक पुष्पहार देत ,पेढे वाटप करत अनोखा सत्कार केला. शिरूर तालुक्यातील शेतकरी व नागरिकांच्या जिव्हाळ्याचा असणारा रावसाहेब पवार घोडगंगा सहकारी साखर कारखान्याच्या निवडणुकीमध्ये आमदार अशोक पवार यांनी विरोधकांना मात देत जे लखलखीत यश संपादन केले त्याबद्दल त्यांचा सत्कार करत असल्याचे मत ग्रामस्थांनी व्यक्त केले.

आमदार अशोक पवार ,माजी सभापती सुजाता पवार यांचा सत्कार करताना सणसवाडी ग्रामस्थ
 गणपती देवस्थान ट्रस्टचे अध्यक्ष व माजी उपसरपंच विजयराज दरेकर, चेअरमन सुहास दरेकर, माजी चेअरमन सुरेश हरगुडे, गजानन हरगुडे, ग्रामपंचायत सदस्य अक्षय कानडे, माजी ग्रामपंचायत सदस्य अनिल दरेकर, ग्रामपंचायत सदस्या ललिता दरेकर, सुनिता दरेकर, वंदना दरेकर‌, उद्योजक नवनाथ दरेकर, प्रशांत दरेकर, निलेश दरेकर, विठ्ठल दरेकर, बाळकृष्ण दरेकर, शाम दरेकर, संतोष दरेकर, आकाश दरेकर, अनिल गोटे व अन्य मान्यवर उपस्थित होते.



आमदार अशोक पवार हे विकासाचा दृष्टिकोन असलेले प्रगतिशील विचारांचे कृतिशील नेतृत्व असून सामान्य नागरिकांच्या विकासाशी त्यांची नाळ जोडलेली आहे. कारखान्याची निवडणूक शेतकऱ्यांच्या प्रपंचाशी व चुलीशी निगडित होती त्याबाबत त्यांनी राष्ट्रवादी पक्षाचे आधारस्तंभ माजी केंद्रीय कृषिमंत्री शरद पवार साहेब,उपमुख्यमंत्री अजित पवार ,माजी गृहमंत्री दिलीप वळसे पाटील ,आमदार अशोक पवार व राष्ट्रवादी पक्ष पुरस्कृत शेतकरी पॅनल यांच्या विचारांना मानत स्पष्ट बहुमत देत कारखाना अशोक पवार यांच्या मार्गदर्शनाखाली प्रगती करेल हे मतांमधून दाखवून दिले आहे.
       पंडित दरेकर,सदस्य पुणे जिल्हा नियोजन समिती

तालुक्याचे मोठे वैभव उभे करणाऱ्या स्वर्गीय रावसाहेब पवार यांच्यावर शिवराळ भाषा वापरत चुकीचा प्रचार गेले वर्षभर केला. पण सर्वसामान्य नागरिकांनी त्यांना जागा दाखवली आहे. माजी उपमुख्यमंत्री अजित पवार,माजी गृहमंत्री दिलीप वळसे पाटील, माजी आमदार पोपटराव गावडे सूर्यकांत पलांडे व मानसिंग पाचुंदकर यांच्यासह सामान्य नागरिकांचा मोठा सहभाग आहे. सामान्य नागरिक हेच अमाचे नातेवाईक असून त्यांच्याच बळावर हे यश संपादन केले आहे. – आमदार अशोक पवार, नवनिर्वाचित संचालक रावसाहेब पवार घोडगंगा सहकारी साखर कारखाना

संबंधित लेख

LEAVE A REPLY

Please enter your comment!
Please enter your name here

ताज्या बातम्या

Recent Comments

error: Content is protected !!