रंकाळा ग्रुपची अनोखी शक्कल, सोशल मिडीयावर व्हिडीओ व्हायरल.
मित्राच्या आरोग्याची काळजी घेणारा व सामाजिक बांधिलकी जपणारा रंकाळा ग्रुप म्हणजे निरोगी आरोग्य ,मन, मैत्री, माणूसकी व सामाजिक बांधिलकी जपणारा रंकाळा ग्रुप
बीड -‘ सकाळी नक्की व्यायामाला येतो असे म्हणून कित्येकदा व्यायामाला दांडी मारणे आता सर्वांनाच अंगवळणी पडले आहे. पण बीडमधील एका मित्राला व्यायामाला एक दिवस दांडी मारण्याने चक्क राज्यभर प्रसिद्ध केले आहे.व्यायामाला दांडी मारणाऱ्या मित्राला झोपेतून उठविण्यासाठी चक्क बँड पथक लावून बहारो फुल बरसावो…. असे गणे वाजवत त्याला जागे करत साग्रसंगीत मित्राच्या आरोग्याची काळजी घेणारी मित्र काही औरच आणि त्यांची मैत्री ही निराळीच असून यातून मित्र वणव्यामध्ये गारव्या सारखा ही प्रचिती आली असून मित्रासह इतरांनीही आरोग्याची काळजी घ्यावी हा संदेश देणारी मित्र मंडळी सोशल मीडियावर मात्र चांगलीच प्रसिद्ध झाली आहेत.
दि.१६ रोजी सकाळी असाच मित्राच्या दारात बँडबाजा वाजविताचा व्हिडीओ सोशल मिडीयावर तुफान व्हायरल झाला सद्या याच व्हिडीओची चर्चा राज्यात तुफान चर्चा सुरू आहे.बीड येथे रंकाळा नावाचा ग्रुप सक्रिय आहे. चार वर्षांपूर्वी कारागृह अधिक्षक महादेव पवार यांनी या ग्रुपची स्थापना केली. मोजकेच मित्र ग्रुपमध्ये घेण्यात आले असून यामध्ये अधिकारी, कर्मचारी, राजकिय पुढारी, पत्रकार, सामाजिक कार्यकर्त्यांचा समावेश आहे. ग्रुप सुरू केल्यापासून रोज सकाळी व्यायामला येण्याचा ग्रुपचा नियम आहे. जे येणार नाहीत त्यांच्या घरी ग्रुपचे जवळपास १४ सदस्य सकाळी सकाळी नाश्त्याला हजर होत असतात परंतु दि.१६ रोजी पंचायत समिती सदस्य बळीराम गवते मॉर्निंग वॉकला आले नाहीत. यानंतर मित्रांनी आज वेगळं काही तरी करू, असे म्हणत अनेक कल्पना मांडल्या. यातील एक कल्पना होती, थेट अँड पथक घरी नेण्याची. यावरच शिक्कामोर्तब झाले. यानंतर अवघ्या काही वेळेत बँड पथक मॅनेज केले.
सकाळी ७ वाजता हे बँडपथक शहरातील चाणक्यपुरीतील बळीराम गवते यांच्याघरी पोहलचे याठिकाणी ‘बहारो फुल बरसाओ’, अशी एका सरस एक गाणी वाजविण्यात आली. यानंतर गवते तर झोपेतून उठलेच पण अवघी कॉलनी जागी झाली. या बँडचा व्हिडीओ यानंतर सोशल मिडीयावर टाकण्यात आला आणि बघता बघता तो राज्यात व्हायरल झालेला आहे.
ग्रुपमध्ये अध्यक्ष ॲड प्रकाश कवठेकर, पंचायत समिती सदस्य बळीराम गवते, अशोक सुखवसे, वरिष्ठ तुरूंग अधिकारी महादेव पवार , शिवाजी शिंदे, विजय लाटे, पत्रकार संदिप लवांडे, रतन बहिर, तुकाराम पवार , अमोल पवार,लक्ष्मण बारगजे, प्रशांत उगले, गणेश सांवत, ॲड सचिन पठारे आदिंचा समावेश आहे.
रंकाळा सामाजिक कार्यात अग्रेसररंकाळा ग्रुपची स्थापना ही व्यायाम आणि सामाजिक कामे करण्यासाठी करण्यात आली होती. सांगली येथील महापुराच्या वेळी ग्रुपच्या माध्यमातून चार ट्रक साहित्य सांगलीला पोहच करण्यात आले होते. तर अनेकदा मोठ्या मोर्चात पाण्याची सोयही ग्रुप करत असतात.
स्वतः सह दुसऱ्यांच्या आरोग्याची काळजी घेणारे मित्र आपल्या सोबत असणे ही भाग्याची गोष्ट आहे. एकच दिवस मी ग्राऊडवर जाऊ शकलो नाही तर मित्रांनी बॅड घरी आणला, सोशल मिडीयावर सदरील व्हिडीओ व्हायरल होत असून यातील चागला बौध घ्यावा. – बळीराम गवते,सदस्य, रंकाळा ग्रुप, बीड.
मित्र वणव्यामध्ये गारव्यासारखा असे म्हणतात. याच भावनेतून आम्ही बळीराम गवते यांच्या निवासस्थानी बँडबाजा घेवून गेलो होतो. कोणत्याही सदस्याने मॉर्निंग वॉकला दांडी मारू नये, असा उद्देश होता. सर्वांनी आरोग्याची काळजी घेणे आवश्यक आहे. – ॲड. प्रकाश कवठेकर, – अध्यक्ष, रंकाळा ग्रुप, बीड.
