Thursday, June 20, 2024
Homeसाहित्य/सामाजिकचला व्यक्त होऊ या?प्रेरणादायी ! जन्मतः अंध..आईवडिलांनी टाकले कचरा पेटीत…मुलीने MPSC परीक्षेत  मिळविले नेत्रदीपक यश

प्रेरणादायी ! जन्मतः अंध..आईवडिलांनी टाकले कचरा पेटीत…मुलीने MPSC परीक्षेत  मिळविले नेत्रदीपक यश

जन्‍मत: अंध असल्‍याने आई-वडिलांनी जळगाव रेल्‍वे स्‍थानकावर कचरा पेटीत टाकून दिले होते. मात्र आता त्याच मुलीने महाराष्ट्र लोकसेवा आयोग म्हणजेच एमपीएससी परीक्षेत यश मिळविले आहे.विषम परिस्थितीला तोंड देत जिद्दीने अभ्यास करीत माला ही एमपीएससीच्या ‘लिपिक ‘गट क’ मुख्य परीक्षेत उत्‍तीर्ण झाली आहे.तिच्या या यशाचे सर्वच स्तरातून कौतुक होत आहे.(MPSC)

साधारण २० वर्षांपूर्वी दोन्ही डोळ्यांनी दृष्टी नसलेली माला ही जळगाव येथील रेल्वेस्‍थानकाच्या कचरा पेटीत आढळून आली होती. पोलिसांनी आई-वडिलांचा, नातेवाईकांचा शोध घेतला. परंतु शोध न लागल्याने तिला जळगाव येथील रिमांडहोम मध्ये दाखल करण्‍यात आले. तेथे दिव्यांगाच्या पुनर्वसनाची कुठलीही व्यवस्था नसल्याने बालकल्याण समितीच्‍या आदेशान्वये पोलीसांनी तिला वझ्झर येथील स्व.अंबादासपंत वैद्य दिव्यांग बेवारस बालगृहाचे संचालक शंकरबाबा पापळकर यांच्या ताब्यात दिले.(MPSC EXAM)

शंकरबाबांनी तिच्‍या पुनर्वसनाची जबाबदारी स्वीकारुन माला हि‍ला वडील म्‍हणून स्‍वत:चे नाव दिले. त्या आधारे तिचे आधार कार्ड, निवडणूक ओळखपत्र, रहिवासी दाखला, इत्यादी कागदपत्राची पुर्तता करुन तिच्‍या शिक्षणाची व्‍यवस्‍था केली. अनाथ, बेवारस, दिव्‍यांग १२५ मुला-मुलींसोबत बालगृहात मालाचा जीवनप्रवास सुरू झाला. जिद्द आणि परिश्रमाच्‍या बळावर मालाने शिक्षणही सुरू ठेवले.

येथील विदर्भ ज्ञान-विज्ञान संस्‍थेतून (व्‍हीएमव्‍ही) तिने कला शाखेची पदवी परीक्षा २०१८ मध्‍ये प्रथम श्रेणीत उत्‍तीर्ण केली. पदवी आणि पदव्‍यूत्‍तर शिक्षणासाठी दर्यापूर येथील प्रा. प्रकाश टोपले यांनी तिचे पालकत्व स्वीकारले आणि शिक्षणाची व्यवस्था केली. २०१९ पासून स्‍पर्धा परीक्षेच्‍या माध्‍यमातून स्‍वत:ला सिद्ध करण्‍यासाठी मालाची धडपड सुरू झाली. येथील युनिक अॅकेडमीचे संचालक अमोल पाटील यांच्‍या मार्गदर्शनात मालाने एमपीएससी परीक्षेची तयार केली.(MPSC)

तिला या प्रवासात देखील विशेष मार्गदर्शन मिळाले. त्यामुळेच ती महाराष्ट्र राज्य लोकसेवा आयोगाची लिपिक (टंकलेखक) परीक्षेत उत्तीर्ण झाली.तिला एवढ्यावरच थांबायचे नाहीतर युपीएससी परीक्षा देखील यशस्वीपणे उत्तीर्ण करण्याचे तिचे स्वप्न आहे.

संबंधित लेख

LEAVE A REPLY

Please enter your comment!
Please enter your name here

ताज्या बातम्या

Recent Comments

error: Content is protected !!