Friday, May 24, 2024
Homeताज्या बातम्यापिंपळे जगताप ग्राम पंचायतीचे वार्षिक उत्पन्न ५८ लाखांचे आणि मेटा मार्फेसिस इंजिटेक...

पिंपळे जगताप ग्राम पंचायतीचे वार्षिक उत्पन्न ५८ लाखांचे आणि मेटा मार्फेसिस इंजिटेक इंडिया प्रा.लि. कंपनीने ७४ लाखांच्यावर कर थकवला

कोरेगाव भिमा – पिंपळे जगताप (ता.शिरूर) ग्राम पंचायतीचे मेटा मार्फेसिस प्रा. लि. कंपनीने गट क्रमांक ५७ मधील मिळकत क्रमांक ११५४ ची सन २०२३-२४ अखेर थकीत रक्कम ७४,१२, ७३७ रुपयंची थकीत असून ग्राम पंचायतीच्या पत्रव्यवहाराला कोणताही प्रतिसाद न देता अक्षरशः केराची टोपली दाखवण्याचे काम कंपनी प्रशासन करत असल्याचे उपसरपंच रेश्मा नितीन कुसेकर यांनी सांगितले.

   पिंपळे जगताप ग्राम पंचायतीचा दर वर्षीचा एकूण वसूल ५८ लाख १० हजार ९६५ इतका वसूल असून मेटा फोर्सेस प्रा. लि. कंपनीने ७४,१२,७३७ थकवले असून ग्राम पंचायतीच्या उत्पन्ना  पेक्षा कंपनीचा थकीत जास्त रकमेचा असून इतर कंपन्यांचा वेळेत कर भरण्यात येत असून निव्वळ एका मेटा मार्फेसिस इंजिटेक इंडिया प्रा.लि. कंपनीने ग्राम पंचायतीच्या उत्पन्नापेक्षा जास्त कर थकविल्याने गावची विकास कामे करायची तरी कशी ? असा प्रश्न उपस्थित होत आहे.संबधित कंपनीच्या कराबाबत ग्राम सभा व मासिक सभेमध्ये चर्चा करण्यात आली आहे.

मेटा मार्फेसिस प्रा.लि. कंपनीची ग्राम पंचायत दप्तरी नोंद नसून संबधित थकबाकी बाबत कोणताही पत्रव्यवहार अथवा मेल मिळाला नाही. गावातील कामे मागतात तसेच ग्राम पंचायत दप्तरी कंपनीची नोंद करण्यात यावी यासाठी २०२० पासून नोंदीसाठी अर्ज दिला असून नोंद करण्यात आली नाही. अशी माहिती कंपनीचे एच आर सतीश खंडाळे यांनी दिली.

 इनोव्हेटिव्ह इंडस्ट्रीज लिमिटेड कंपनीचा थकीत कर असून ही कंपनी सध्या मेटा मार्फेसिस इंजिटेक इंडिया प्रा.लि.कंपनी नावाने सुरू असून सदर कंपनीने तातडीने कर भरावा अशी मागणी उपसरपंच रेश्मा नितीन कुसेकर यांनी केली आहे.

पिंपळे जगताप ग्राम पंचायतीच्या एकूण कर वसुलीच्या टक्केवारी मध्ये मेटा मार्फेसिस इंजिटेक इंडिया प्रा.लि. कंपनीचा कर न आल्याने वसूलीची टक्केवारी खूपच कमी दिसत आहे त्याचा परिणाम गावच्या विकास कामांवर होत आहे. कर वसुली झाल्यास अनेक विकास कामे मार्गी लागतील यासाठी कंपनी प्रशासनाने तातडीने कर भरून ग्रामस्थांना सहकार्य करावे.  – सरपंच सोनल अशोक नाईकनवरे, पिंपळे जगताप

 मेटा मार्फेसिस इंजिटेक इंडिया प्रा.लि.  कंपनीचा गावच्या उत्पन्नापेक्षा जास्त कर थकीत असून एव्हढा कर थकविल्यावर गावात विकास कामे करायची तरी कशी. पिंपळे जगताप ग्राम पंचायतीच्या वतीने कंपनीशी लवेळोवेळी पत्रव्यवहार करण्यात येत असून बिले व स्मरण पत्र कंपनी स्वीकारत नाही तसेच ग्राम पंचायतीच्या वतीने कंपनीच्या मेलवर संबधित बिले व पत्रव्यवहार केला असून याबाबत कंपनीच्या वतीने कुठल्याच प्रकारे प्रतिसाद देण्यात येत नाही. – उपसरपंच रेश्मा नितीन कुसेकर .

सदर  कंपनीच्या संदर्भात यापूर्वी झालेल्या ठरावानुसार आजपर्यंत कारवाई करण्यात आली आहे यापुढे वरिष्ठ कार्यालयाशी पत्रव्यवहार करून योग्य ती कायदेशीर कार्यवाही करण्यात येईल.- ग्रामसेवक रवींद्र शिंदे पिंपळे जगताप

संबंधित लेख

LEAVE A REPLY

Please enter your comment!
Please enter your name here

ताज्या बातम्या

Recent Comments

error: Content is protected !!