कोरेगाव भीमा – दिनांक २६ नोव्हेंबर
निवासी मतिमंद विद्यालय लोणीकंद ( ता.शिरूर) येथे संविधान दिन साजरा करण्यात आला.यावेळी भारतरत्न डॉ बाबासाहेब आंबेडकर यांच्या प्रतिमेचे पूजन संस्थेचे सचिव रामचंद्र मिसाळ यांच्या हस्ते करण्यात आले .
संविधानाचे महत्व पटवून देवून उद्देशिकेचे सामूहिक वाचन करून ३० विद्यार्थ्यांच्या चित्रकला स्पर्धेचे व सांस्कृतिक कार्यक्रमाचे आयोजन करण्यात आले होते.यावेळी शाळेच्या परिसरात रॅली काढून संविधान दिनाची जनजागृती करण्यात आली.
या कार्यक्रमासाठी संस्थेच्या खजिनदार राजश्री तापकीर, मुख्याध्यापक संभाजी सोमवारे, विशेष शिक्षक अंकुश घटमाळ, विक्रम जवळकर व शिक्षकेतर कर्मचारी उपस्थित होते.
