जालन्यातील लाठीहल्याचा सणसवाडी ग्रामस्थांकडून निषेध

नागरिकांची गैरसोय टाळण्यासाठी पाणी,दूध, हॉस्पिटल,मेडिकल व इतर अत्यवश्यक सेवा सुरू

कोरेगाव भीमा – सणसवाडी (ता.शिरूर) ग्रामस्थांच्या वतीने जालना जिल्ह्यातील अंतरवाली येथे मराठा आरक्षणासाठी शांततेत आंदोलन करणाऱ्या मराठा बांधावांवर अमानुषपणे जो काठीहल्ला करण्यात आला त्याचा जाहीर निषेध करण्यात येऊन याबाबतचे निवेदन शिक्रापूर पोलीस स्टेशनचे पोलीस निरीक्षक प्रमोद क्षीरसागर यांना सरपंच सुवर्णा रामदास दरेकर व ग्रामस्थांनी दिले. यावेळी कडकडीत बंद पाळण्यात आला.
यावेळी सर्व ग्रामस्थ व व्यापारी यांनी बंदला उत्स्फूर्त प्रतिसाद देत दुकाने व इतर व्यवसाय बंद ठेवण्यात आले.यावेळी नागरिकांची गैरसोय टाळण्यासाठी पाणी,दूध, हॉस्पिटल,मेडिकल व इतर अत्यवश्यक सेवा सुरू ठेवण्यात येऊन नागरिकांची गैरसोय टाळण्यात आली.
यावेळी विविध मान्यवरांनी आपले विचार व्यक्त करत अमानुष लाठीहल्ला, अश्रू धुराच्या नळकांड्या फोडत हवेत गोळीबार केल्याचा निषेध व्यक्त करण्यात आला असून कोपर्डी येथील भगिनीला न्याय मिळावा,मराठा आरक्षण मिळावे व मराठा आंदोलकांवर दाखल झालेले गुन्हे मागे घेन्यात यावे अशा भावना व्यक्त करण्यात आल्या.

  यावेळी उद्योगनगरी सणसवाडी गावच्या सरपंच सुवर्णा रामदास  दरेकर, पुणे जिल्हा नियोजन समिती माजी सदस्य पंडित  दरेकर, शिक्रापूर पोलीस स्टेशनचे पोलीस निरीक्षक प्रमोद क्षीरसागर साहेब,पोलीस उपनिरीक्षक अमोल खटावकर, शिरूर तालुका काँग्रेसचे अध्यक्ष वैभव  यादव ,मार्केट कमिटीचे माजी संचालक दत्तात्रय हरगुडे, माजी सरपंच संगीता हरगुडे, दगडू  दरेकर, निलेश दरेकर, माजी उपसरपंच नवनाथ हरगुडे, विजय दरेकर, विदयाधर  दरेकर, ग्रामपंचायत सदस्य तनुजा दरेकर,  माजी सरपंच सुरेश हरगुडे, सुभाष दरेकर, नवनाथ दरेकर, नवनाथ हरगुडे, पोलीस पाटील दत्ता माने,शिवाजी हरगुडे, शुभ संघटना  नांदेड जिल्हाध्यक्ष गोविंद मोरे, आणि प्रा .अनिल गोटे  व इतर मान्यवर उपस्थित होते.

महाराष्ट्रासह जगाने शांततेत मराठा क्रांती मोर्चे पाहिले असून जालन्यातील लाठीहल्याचा जाहीर निषेध करण्यात येत आहे.
मराठा आरक्षणासंबधित आंदोलकांवर आत्तापर्यंत दाखल झालेले गुन्हे सरसकट मागे घेण्यात येऊन सर्वसामान्य मराठी कुटुंबे उध्वस्त होण्यापासून वाचवावे’, मराठा आरक्षणाचा ‘ प्रश्न तातडीने मार्गी लावावा, कोपर्डीमध्ये ज्या भगिनीवर अत्याचार झाला तिला न्याय मिळाला नसून तिला न्याय मिळावा. – सरपंच सुवर्णा रामदास दरेकर, सणसवाडी