चोरीमध्ये रोख रकमेसह १३ तोळे सोन्याच्या दागिने व मोबाईलचा सामावेश
कोरेगाव भीमा – दिनांक ३१ ऑगस्टकोरेगाव भीमा ( ता.शिरूर) येथे तब्बल १३ तोळे सोन्याचे दागिन्यांसह २४,९६० रोख रक्कम व मोबाईल अशी ५,२७, ९६० रुपयांच्या चोरीची घटना घडली आहे. यावबाबत शिक्रापूर पोलीस स्टेशन येथे फिर्यादी विजया दिलीप जोशी (वय३७)वर्षे राहणार आनंदनगर कोरेगाव भिमा( मुळ रा . माणिकदौंडी ता.पाथर्डी जि . अहमदनगर ) यांनी तक्रार दाखल केली असून मिळालेल्या माहिती नुसार फिर्यादी विजया जोशी,आनंदनगर येथे पती ,भाऊ व दोन मुलांसह राहण्यास असून दि.३० ऑगस्ट रोजी त्यांचे पती रात्रपाळी कामासाठी गेले होते. त्यानंतर सदर महिला व त्यांचा लहान मुलगाश झोपी गेल्या. महिलेच्या पुतण्या तेजस जोशी यांनी पहाटे सकाळी ५.३० ला आवाज दिला की तुमच्या घराचा दरवाजा कसा काय उघडा आहे . त्यावेळी संबधित महिला दरवाजा उघडा कसा पाहण्यासाठी आली असता घरात चोरी झाल्याचा प्रकार उघडकीला आला.
