Saturday, May 25, 2024
Homeताज्या बातम्यामहाराष्ट्रउद्योगनगरी सणसवाडीच्या सरपंच पदी स्नेहल भुजबळ बिनविरोध निवड

उद्योगनगरी सणसवाडीच्या सरपंच पदी स्नेहल भुजबळ बिनविरोध निवड

सरपंच सुनंदा दरेकर यांनी वेळेत राजीनामा देत एक वेगळा कृतियुकत आदर्श ठेवला

कोरेगाव भीमा – सणसवाडी (ता.शिरूर)

उद्योगनगरी सणसवाडी ग्राम पंचायतिच्या सरपंच सुनंदा नवनाथ दरेकर यांनी राजीनामा दिल्याने सरपंच पद रिक्त झाले होते . नवनिर्वाचित सरपंच पदी स्नेहल राजेश भुजबळ यांची बिनविरोध निवड झाली असून सणसवाडी गावाने सरपंच पदाच्या निवडीबाबत एक आगळा वेगळा आदर्श निर्माण केला असल्याचे मत माजी उपसरपंच विजयराज दरेकर यांनी व्यक्त केले.

नवनियुक्त सरपंच स्नेहल राजेश भुजबळ

सणसवाडी गावच्या इतिहासात पहिल्यांदाच सर्वात कमी वयाच्या सरपंच होण्याच्या विक्रम सरपंच स्नेहल भुजबळ यांच्या नावे झाला असून एकाच कुटुंबातील सख्ख्या सासुसूना सरपंचपदी विराजमान होण्याचा मान भुजबळ कुटुंबियांना मिळाला आहे. नवनिर्वाचित सरपंच स्नेहल भुजबळ यांच्या सासू माजी सरपंच रोहिणी भुजबळ व त्यांचे सासरे उद्योजक व सोसायटीचे माजी चेअरमन रवींद्र भुजबळ हेही माजी ग्राम पंचायत सदस्य होते

यावेळी माजी सरपंच सुनंदा दरेकर यांच्या कार्याविषयी सर्वांनी कौतुकास्पद मत व्यक्त केले. माजी सरपंच युवराज दरेकर यांनी सर्व ग्रामस्थ व ग्राम पंचायत सदस्यांना विश्वासात घेत ठरलेल्या वेळी सरपंच व उपसरपंच पदाचा राजीनामा होत असून सर्व सदस्यांना ठरलेल्या वेळी सरपंच व उपसरपंच होण्याची संधी मिळणार असून सर्वजण एकजुटीने काम करत आहेत.सरपंच पदाच्या निवडणुकीत विरोधकांनी फोडाफोडीचे राजकारण करण्यासाठी अतोनात प्रयत्न केले पण युवराज दरेकर व इतर पॅनल प्रमुखांच्या एकजुटीमुळे विरोधकांना पुन्हा एकदा अपयश आले असून स्नेहल भुजबळ या सर्वात कमी वयाच्या सरपंच होण्याचा विक्रम केला आहे.ग्राम पंचायत सदस्या शशिकला सातपुते यांनी सरपंच सुनंदा दरेकर या महिला सरपंच असताना खूप छान काम केले ते प्रेरणादायी आहे. त्यांच्यामुळे गावच्या वैभवात व विकासात मोलाची भर पडली असल्याचे मत व्यक्त केले सरपंच सुनंदा दरेकर यांनी विकासकामांचा एक आदर्श निर्माण केला असून गावच्या विकासासाठी सर्वजण एक विचाराने व एक दिलाने काम करत असल्याचे कृतियुकी उदाहरण ठेवले असल्याचे मत राजेंद्र दरेकर यांनी व्यक्त केले. सरपंचपदाच्या निवणुकीसाठी एकच अर्ज आल्याने बिनविरोध निवड होण्याचा मार्ग मोकळा झाला. निवडणूक निर्णय अधिकारी मंडल अधिकारी विकास फूके यांनी स्नेहल भुजबळ यांची सरपंचपदी निवड झाल्याची घोषणा केली. यावेळी माजी उपसभापती आनंदराव हरगुडे ग्राम पंचायत सदस्यांनी लोकांच्या अडीअडचणी सोडवण्यासाठी प्रयत्न करावा. मतदारांना पाच वर्षे जपायला हवे गावचा सर्वांगीण विकास व लोकांचे आशीर्वाद हीच खरी कामगिरी आहे असे मत व्यक्त केले. यावेळी क्रेनने गुलाल उधळत आनंद व्यक्त करण्यात आला. यावेळी नवनिर्वाचित सरपंच स्नेहल भुजबळ , माजी सरपंच युवराज दरेकर ,माजी सरपंच सुनंदा दरेकर ,उपसरपंच सागर दरेकर, पुणे जिल्हा नियोजन समितीचे पंडित दरेकर, माजी उपसभापती आनंदराव हरगुडे, ग्राम पंचायत सदस्य शशिकला सातपुते,अक्षय कानडे ,संगीता हरगुडे ,राजेंद्र दरेकर, विजयराज दरेकर, दत्तात्रय हरगुडे, सुवर्णा रामदास दरेकर,रुपाली दरेकर , ललिता दरेकर,दिपाली दरेकर,सावता परिषदेचे जिल्हाध्यक्ष गोरक्ष भुजबळ, मनसे नेते रामदास दरेकर , माजी उपसरपंच नवनाथ भुजबळ, ग्रामसेवक बळणाथ पवणे , उद्योजक नवनाथ दरेकर,राजेश भुजबळ, रामदास नानासाहेब दरेकर , दगडू दरेकर, नवनाथ हरगुडे,रमेश सातपुते, संतोष नरके,सतीश भुजबळ उपस्थित होते.

सध्याच्या विकासकामांचे श्रेय माझे एकटीचे नसून सर्व ग्राम पंचायत सदस्यांचे आहे. माझ्या राजकीय वाटचालीत पती व दिर यांच्या खंबीर पाठिंब्यावर हे शक्य झाले.नियोजित कामांचा कालावधी हा पाच वर्षांचा असून कामे पूर्ण करण्यासाठी सर्वजण प्रयत्न करणार आहेत.सणसवाडी गावच्या नागरिकांना सर्व सुख – सोयीसुविधा देण्यासाठी आम्ही कटिबद्ध आहोत.

  • माजी सरपंच सुनंदा नवनाथ दरेकर

सणसवाडी गावच्या विकासासाठी प्रयत्नशील राहणार असून गोरगरीब महिला व नागरिकांच्या विकासासाठी आम्ही प्रयत्न करणार आहोत.वीविध शासकीय विकासाच्या योजना व निधी आणण्यासाठी प्रयत्न करणार आहे.

  • – नवनिर्वाचित सरपंच स्नेहल राजेश भुजबळ

संबंधित लेख

LEAVE A REPLY

Please enter your comment!
Please enter your name here

ताज्या बातम्या

Recent Comments

error: Content is protected !!