४५ मोतीबिंदू शस्त्रक्रिया, १९९ चष्म्यांचे वाटप तर एकूण ३५४ रुग्णांची तपासणी
कोरेगाव भीमा – नागरगाव (ता.शिरूर) येथे स्वर्गीय माजी आमदार रावसाहेब दादा पवार यांच्या १०६ व्यां जयंतीनिमित्त भव्य डोळे तपासणी, मोतीबिंदू भिंगारोपन व मोफत चष्मे वाटप शिबिराचे आयोजन करण्यात आले होते यावेळी वडगाव रासाई पंचक्रोशीतील नागरिकांनी व वृद्धांनी उत्फुर्त प्रतिसाद दिला.
ग्रामीण भागातील नागरिकांसाठी राव लक्ष्मी फाउंडेशनच्या माध्यमातून एक सामाजिक विधायक उपक्रम राबवण्यात आला. यामध्ये ४५ मोतीबिंदू शस्त्रक्रिया, १९९ चष्म्यांचे वाटप तर एकूण ३५४ रुग्णांची तपासणी करण्यात आली.
शुक्रवार १९ मे रोजी नागरगाव येथे राव लक्ष्मी फाऊंडेशन व एच व्ही देसाई नेत्र रुग्णालय महंमदवाडी यांच्या संयुक्त विद्यमानाने भव्य मोफत डोळे तपासणी शिबिर, मोफत मोतीबिंदू भिंगारोपान शस्त्रक्रिया शिबिर, मोफत चष्मे वाटप शिबिराचे यशस्वीरीत्या संपन्न झाले याचा ग्रामीण भागातील नागरिक,शेतकरी,कष्टकरी व मजुरांना याचा मोठा लाभ झाला.
