खासदार अमोल कोल्हे व आमदार अशोक पवार यांनी रस्त्याचे काम गुणवत्तापूर्ण व दर्जेदार होणार , दर्जाहीन व निकृष्ट काम केल्यास गाठ आमच्याशी आहे
कोरेगाव भीमा -दिनांक १७ फेब्रुवारी
कोरेगाव भीमा ( ता.शिरूर) येथे पुणे महानगर विकास प्राधिकरनाच्या माध्यमातून कोरेगाव भिमा ते वढू बुद्रुक काँक्रीटीकरण रस्त्याचा भूमिपूजन समारंभ खासदार अमोल कोल्हे व आमदार अशोक पवार यांच्या प्रमुख उपस्थित पार पडला.
यावेळी खासदार अमोल कोल्हे यांनी रस्त्याच्या दर्जाबाबत बोलताना हा रस्ता नसून आमच्या श्रद्धास्थानाकडे जाणारा रस्ता आहे , रस्त्याचे नाव देशात घेतले गेले पाहिजे ,गुणवत्ता राखली गेली पाहिजे ,स्वाभिमानासाठी व श्रद्धेसाठी रस्त्याची गुणवत्ता राखावी एकही तक्रार येणार असा विश्वास आहे असे मत व्यक्त केले.
यावेळी आमदार अशोक पवार यांनी सदर रस्त्याच्या कामाची मुदत ६ महिने असून दर्जेदार व गुणवत्तापूर्ण काम व्हायला हवे जर नागरिकांना कामात दोष आढळला तर ते काम बंद पडलं पाहिजे असं आवाहन केल.तसेच जे काम सुरू आहे त्यासाठी व्हिडिओ कॉल करून माहिती मिळाली की तात्काळ कार्यवाही करता येते असे सांगितले.रस्त्याच्या कडेला आर सी सी बांधकाम असलेले गटार लाईन बनवण्यात येऊ नये पुणे – मुंबई येथे रस्त्याच्या कडेला काँक्रिट गटार नाहीत त्या खालून पाईप टाकता येतात,रस्त्याच्या दुतर्फा लाईट असावी व भविष्यात आपण जनतेच्या सहभागातून दगडी कमान उभारणी करण्यासाठी प्रयत्न करणार .
आमदार अशोक पवार यांनी शिरूरला मंत्री नाही म्हणून आम्हाला निधी कमी पडू नये , मला कसलीही अपेक्षा नाही असे म्हंटले पण मंत्री पदाबाबत अप्रत्यक्ष अपेक्षा व्यक्त केली असल्याची चर्चा नागरिकांमध्ये पाहायला मिळाली.
खासदार कोल्हे यांनी आपल्या भाषनात ” अशोक पवार यांच्या विषयी बोलताना महत्वाच्या व्यक्तीचं मार्गदर्शन असेल तर काम प्रभावी करू शकता तसेच बैलगाडा शर्यत नाद न राहता,देशी गो वंशाची जोपासना , ग्रामीण अर्थव्यवस्थेला हातभार, कृषि पर्यटनास चालना देणारा होण्यासाठी प्रयत्न करायला हवा.
शिवभक्तांना अभिमान वाटावा अशी शिवजयंती साजरी करण्यासाठी प्रयत्न करणार असून महाराष्ट्राच्या बाहेरील मावळ्यांना बांधण्याची गरज आहे असे मत व्यक्त करत आमदार पवारांनी स्मारकासाठी १५० कोटी रुपये निधी आणला असून समाधीस्थळ विकासासाठी स्पर्धेचे आयोजन करण्यात आले आहे.पाण्याचा सदुपयोग करायला हवा,पाणी वाया जाऊ न देता ,पाण्याच्या दर्जाबाबत जागरूक राहिले पाहिजे असे मत व्यक्त केले.
यावेळी ऊर्वी या मुलीच्या ऑपरेशन साठी आठ लाख रुपये निधी उपलब्ध करुन दिल्याने उर्वीचे आईवडील खासदार कोल्हेंना भेटून आभार व्यक्त केले.
आमदार अशोक पवार ,जिल्हा परिषद सदस्या कुसुम मांढरे सभापती मोनिका हर गुडे यांच्या कामाबाबत समाधान व्यक्त केले – मी लोकसभेत चांगले काम करू शकतो याचे कारण येथील आमदार अशोक पवार ,जिल्हा परिषद सदस्या कुसुम मांढरे, सभापती मोनिका हरगुडे यांची खंबीर साथ असून यांचे काम उत्कृष्ट असून आपण केंद्रातून देशातील महत्वकांक्षी असा ७२०० कोटिंचा रॅपिड ट्रान्सस्पोर्ट देशातील पहिली वाहतूक देशातील प्रायोरिटी प्रकल्प आहे. जुन्नर येथे संस्कार सृष्टी उभारणार आहे
आमदार पवार यांनी खासदार अमोल कोल्हे यांनी बैलगाडा शर्यत सुरू करून घोडिवर बसत शर्यतीत सहभागी होणारे एकमेव खासदार असून केंद्र शासनाकडून पुलासाठी ७२०० कोटी रुपयांचा १८ लेन रस्ता आणण्यात महत्वाचा वाटा आहे. स्थानिकांची व शंभूभक्तांची रस्त्याची मागणी पूर्ण करण्यासाठी पि एम आर डी ए कडून रस्त्याची मंजुरी घेत २१ कोटींच्या रस्त्याचे काम सुरू आहे.साधारणतः १ किलोमीटर रस्त्याला ७ कोटी रुपये असून गुणवत्तापूर्ण रस्ता व्हायला हवा.सणसवाडी येथील फेबर कंपनीचा रस्ता निकृष्ट दर्जाचा असून निकृष्ट काम करणाऱ्यांची गय केली जाणार नाही
यावेळी ग्राम पंचायत सदस्य महेश ढेरंगे यांनी कोरेगाव भिमा विकासासाठी निधी देण्यात यावा,विजय स्तंभ विकासात कोरेगाव भीमा गावाला स्थान देण्यात यावे मोठ्या प्रमाणात अनुयायी कोरेगाव येथे येतात पण निधी मात्र पेरणे गावाला जातो आमच्या गावासाठी निधी द्यावा दहावा घाट ,नदी किनारी संरक्षक तटबंदी , वॉकिंग ट्रॅक,सुशोभीकरण ,कचरा प्रकल्प ,सांडपाणी यासाठी निधी द्यावा अशी मागणी केली.
यावेळी खासदार अमोल कोल्हे , आमदार अशोक पवार, जिल्हा परिषद सदस्या कुसुम मांढरे, सभापती मोनिका हरगुडे, पुणे जिल्हा नियोजन समिती सदस्य पंडित दरेकर ,खरेदी विक्री संचालक राजेंद्र नरवडे , संचालक दत्तात्रय हरगुडे, सरपंच अमोल गव्हाणे , नवनाथ माळी,सारिका शिवले, उपसरपंच शिल्पा फडतरे, लालाशेठ तांबे, माजी सरपंच प्रफुल शिवले ,विजय गव्हाणे , धर्मराज वाजे,सदाशिव पवार,उपकार्यकारी अभियंता अशोक राठोड ,शाखा अभियंता अजिंक्य जगताप, माजी संचालक विठ्ठल ढेरंगे, ,माजी पंचायत समिती सदस्य पंढरीनाथ गव्हाणे ग्राम पंचायत सदस्य संदीप ढेरंगे, शरद ढेरंगे, केशव फडतरे,माजी उपसरपंच राजाराम ढेररंगे, बबुशा ढेरंगे ,रवींद्र फडतरे,अमित गव्हाणे ,कैलास सोनवणे,संपत गव्हाणे, हेमंत ढेरंगे, व ग्रामस्थ उपस्थित होते
